நோய் தான் மருந்து

 

நோய் வந்தால்

மருந்தும் இருக்கும்.

ஒரு பக்கம் நோய் வந்தால்

எங்கிருந்தோ மருந்தும் வரும்.

ஆனால்,

இவளை நினைத்து

நான் கொண்ட நோய்க்கு 

இவளே மருந்துமாக இருக்கிறாள்.

பிணிக்கு மருந்து பிறமன் அணியிழை

தன்நோய்க்குத் தானே மருந்து.

(திருக்குறள் 1102)

 விளக்கம்:

நோய்களுக்கு மருந்து வேறு பொருள்களாக இருக்கின்றன, ஆனால் அணிகலன் அணிந்த இவளால் வளர்ந்த நோய்க்கு இவளே மருந்தாக இருக்கின்றாள்.

(மு.வரதராசன்)