ஒற்றைச் செருப்புகள்

 நாம் இப்போது ஒரு ஜோடி செருப்பு வாங்குகிறோம் என்றால் அந்த ஜோடியில் ஒன்று இடது காலுக்கு மற்றது வலது காலுக்கு. 

இடது கால் செருப்பை இடது காலில் தான் போட முடியும்; வலது காலில் போட முடியாது. அது போலத்தான் வலது கால் செருப்பும். 

ஒரு ஜோடி செருப்பு என்று எடுத்துக் கொண்டாலும் இடது காலுக்கு எனத் தனியாகவும் வலது காலுக்கு எனத் தனியாகவும் தனித்தன்மையோடு செருப்புகளின் செய்யப்படுகின்றன.

இது தானே உலக வழக்கம். இதில் என்ன புதுச் செய்தி?

பதினெட்டாம் நூற்றாண்டுக்கு முன்பாக செருப்புகள் செய்யப்படும்போது அவை இடது காலுக்கு என்றும் வலது காலுக்கு என்றும் தனித்தனியாக செய்யப்படுவதில்லை. எந்தச் செருப்பை எந்தக் காலில் வேண்டுமானாலும் போட்டுக் கொள்கின்ற வகையில் ஒரு பொதுத் தன்மையில் அவை செய்யப்பட்டன. 

மிக ஏழ்மையான நிலையில் இருப்பவர்கள் சில நேரங்களில் ஒரு ஜோடி செருப்பு மட்டும் வாங்கி வந்து அதை இரண்டு பேர் ஒவ்வொரு காலுக்கு போட்டுக்கொண்டு வெயிலில் வேலை செய்வதும் வழக்கம். 

 அப்படி வேலை செய்யும்போது இன்று இடது காலில் அணிந்திருந்த அந்தச் செருப்பு நாளை வலது காலில் அணியப்படலாம். இப்படி முதல்நாள் இருந்ததற்கு நேர்மாறாக அடுத்தநாள் இருப்பதை ஆங்கிலத்தில் boot is on the other foot என்று சொல்வார்கள். 

அதாவது முன்பு இருந்த நிலைக்கு நேர் எதிராக இப்போது செய்வதை இப்படிச் சொல்வார்கள். 

அடிக்கடி மாறிக் கொள்பவர்கள், நேற்று பேசியதற்கு மாறாக இன்று பேசுபவர்கள் இவர்களையெல்லாம் தமிழில் பேச்சு வழக்கில் 'பொழுதோட ஒண்ணு வெடியால ஒண்ணுன்னு இருப்பவர்கள் ' என்று சொல்வார்கள். அதாவது நேற்று ஒன்றும் இன்று ஒன்றும் பேசுபவர்கள் என்பது பொருள்.

 இப்போது இந்த ஒற்றைச் செருப்புக் காலம் எல்லாம் யாருக்கும் நினைவில் இல்லை. ஆனாலும் 

boot is on the other foot 

மட்டும் புழக்கத்தில் இருக்கிறது.

boot is on the other foot என்பதற்கு dictionary தரும் பொருள்:

the situation is now the opposite of what it was, especially because someone who was weak now has power.

Examples for the usage:

Till studying 7th standard my son was following my advice but now the boot is on the other foot.

When we were kids we were not allowed to play after 6.30 pm now the boot is on the other foot.