நெல்லல்ல நீரல்ல(புறநானூறு 186)

 

ஒரு நாட்டுக்கு எது மிக அவசியம். 

நீர்வளம்? இல்லை

நிலவளம்? அதுவுமில்லை.

மன்னன் தான் நாட்டின் உயிர் என்கிறது இந்தப் புறநானூற்றுப் பாடல். 

பாடல் சொல்லும் செய்தி:

ஒரு  நாட்டுக்கு நெல்லும் நீரும் உயிரல்ல. 

மன்னனையே உயிராக உடையது நாடு. 

அதனால், 

இந்தப் பரந்த உலகுக்கு மன்னன் உயிர் போன்றவன் என்பதை அறிந்து கொள்வது படைகளையுடைய ஒரு மன்னனின் கடமையாகும்.

பாடல்:

நெல்லும் உயிர் அன்றே; நீரும் உயிர் அன்றே;

மன்னன் உயிர்த்தே மலர்தலை உலகம்;

அதனால், யான்உயிர் என்பது அறிகை

வேன்மிகு தானை வேந்தற்குக் கடனே.

(புறநானூறு 186)

பாடியவர்: மோசிகீரனார்.

திணை: பொதுவியல்.

 எல்லாத் திணைகளுக்கும் பொதுவான செய்திகளைத் தொகுத்துக் கூறுவது.

துறை: பொருண்மொழிக் காஞ்சி .

 உயிர்க்கு நலம் செய்யும் உறுதிப் பொருள்களை எடுத்துக் கூறுதல்.