பண்புத்தொகை

ஒரு பொருளின் தன்மையைக் குறிப்பது பண்பு. இது நிறம், வடிவம், அளவு, சுவை,குணம் போன்ற பல தன்மைகள் குறித்து வரலாம்.

 

மையீற்றுப் பண்புத் தொகை

 

செழும்பயிர் என்பதை செழுமை+பயிர் என எழுதலாம்.

செழுமையான பயிர் என்பது பொருள்.   

மை என்ற ஈறு மறைந்திருப்பதால் இது மையீற்றுப் பண்புப் தொகை.

 

அருந்தமிழ், நறுமலர்,  இளங்கதிர் போன்றவையும் மையீற்றுப் பண்புத்தொகைகள்.

 

பொதுப் பண்பு தொகை

 

சிவப்புச் சேலை என்பதை சிவப்பு+சேலை எனப் பிரிக்கலாம். இது வண்ணம் குறித்த பண்புத்தொகை.

 ஆன ஆகிய போன்ற சொற்கள் மறைந்து வந்து பொருள் தரும். 

 சிவப்பான சேலை என்பது பொருள். இதில் மையீறு வராது. 

 

வட்டக் கல், காரத் துவையல் என்பதெல்லாம் பொதுப்பண்பு தொகைகள்.