மார்ச் 25

 

மார்ச் 25, 1949

கம்யூனிஸ்ட் சீனாவின் தலைநகராக பீகிங் அறிவிக்கப்பட்டது மாசேதுங் தனது தலைமைச் செயலகத்தை அங்கு அமைத்துக் கொண்டார்.

மார்ச் 25, 1953

ஆந்திர மாநில அமைப்பு பற்றிய அதிகாரப்பூர்வமான பிரகடனத்தை ஜவகர்லால் நேரு நாடாளுமன்றத்தில் வெளியிட்டார். அந்த நாட்களில் சென்னை ஆந்திராவின் தலைநகராக ஆகிவிடக்கூடும் என்ற நிலை இருந்தது. இந்தப் பிரகடனம் சென்னை தமிழகத்தோடு தான் இருக்கும் ஆந்திரத் தலைநகர் ஆந்திர எல்லைக்குள்ளேயே அமையும் என்பதை உறுதி செய்தது. 

மார்ச் 25, 1969

பாகிஸ்தான் ஜனாதிபதி அயுப்கான் பதவி விலகினார். ராணுவ தலைமை தளபதி யாக்யாகான்  ஆட்சிப் பொறுப்பை ஏற்றுக்கொண்டு ராணுவ சட்டத்தை அமல்படுத்தினார்.

மார்ச் 25, 1971

கிழக்கு பாகிஸ்தானில் சுயாட்சி கோரி நடத்திய இயக்கத்தை நசுக்க ஜனாதிபதி யாக்யாகான் விமானப்படை, டாங்கிப் படைகளை அனுப்பினார். ஏறக்குறைய 10 லட்சம் கிழக்கு பாகிஸ்தானியர் மற்றும் வங்காளிகள் இந்தப் போரில் கொல்லப்பட்டனர்.  அதற்குப் பின்பு ஒரு கோடிப் பேர் இந்தியாவிற்குள் அகதிகளாக ஓடி வந்தனர்.

 மார்ச் 25, 1987

ஸ்ரீரங்கம் கோவில் குடமுழுக்கு விழா இன்று நடைபெற்றது. 

235 அடி உயரமுள்ள இந்த ராஜகோபுரம் 13 அடுக்குகள் கொண்டது. ஒரு கோடி செலவில் கட்டப்பட்ட இக்கோபுரம் ஆசியாவிலேயே உயரமான கோபுரமாகும்.