ஜனவரி 10

 ஜனவரி 10, 1761 

தான் எழுதிய தொடர்ச்சியான நாட்குறிப்பு மூலம் ஒரு வரலாற்று ஆவணத்தை வழங்கிய ஆனந்தரங்கம் பிள்ளை  மறைந்த தினம். 

பிரெஞ்சுக் கிழக்கிந்தியக் கம்பெ னியின் அலுவலராகவும்  துய்ப்ளெக்சு என்ற பிரெஞ்சு ஆளுநரின் மொழிபெயர்ப்பாளராகவும் பணியாற்றியவர். 1736 செப்டம்பர் 6 முதல் 1761 ஜனவரி 11 வரை ஏறத்தாழ இருபத்தைந்து ஆண்டுகள் இடைவிடாமல் நாட்குறிப்பு எழுதியுள்ளார். 

உலக நாட்குறிப்பு இயக்கத்தின் முன்னோடி என்று சாமுவேல் பெப்பீசு என்பவரைச் சொல்கிறார்கள்.

பெப்பீசு எழுதிய காலத்தை விட அதிகமான காலம் எழுதியதோடு அதை ஒரு வரலாற்று ஆவணம் போல வழங்கியதில் சாமுவேல் பெப்பீசு எழுதியதை விட இவரது நாட்குறிப்பு சிறப்பானது.  

இந்தியாவின் பெப்பீசு என்பது இவருக்கு வழங்கப்படும் அடைமொழி. 

இவரது நாட்குறிப்பு அக்காலத்தில் நடந்த சமூக மாற்றங்கள், அரசியல் நிகழ்வுகள் போன்றவற்றின் பதிவாகத் திகழ்கிறது. இவரது நாட்குறிப்புகள் குறித்துப் பல்வேறு ஆய்வுகள் நடந்துள்ளன. இன்றும் ஆய்வுகள் நடந்து வருகின்றன. 

ஜனவரி 10, 1778 

விலங்குகள் தாவரங்கள் கனிமங்கள் ஆகியவற்றை முறையாக வகைப்படுத்தியவரும் தாவரவியலில் பகுப்பாய்வியலில் இருபெயர் முறையை (Binomial nomenclature) அறிமுகப்படுத்தியவருமான ஸ்வீடனைச் சேர்ந்த தாவரவியல் அறிஞர் கார்ல் லின்னேய்ஸ் ஸ்வீடனில் காலமானார்.

ஜனவரி 10,1933

 

கணையாழி இலக்கிய இதழின் நிறுவனர்  கி. கஸ்தூரிரங்கன் பிறந்த நாள். தினமணி நாளிதழின் ஆசிரியராக இருந்தவர். தமிழ்ப்புதுக்கவிதையின் முன்னோடிகளில் ஒருவர்.

ஜனவரி 10,1940

பாடகர் கே.ஜே.யேசுதாஸ் பிறந்த தினம். 

கர்நாடக இசையில்  புகழ்பெற்றவர்.   மலையாளம், தமிழ், இந்தி, கன்னடம், தெலுங்கு, வங்காள மொழி, குஜராத்தி, ஒரியா, மராத்தி, பஞ்சாபி, சமசுகிருதம், துளு, மலாய் மொழி, உருசிய மொழி, அராபிய மொழி, இலத்தீன், ஆங்கிலம் ஆகிய மொழிகளில் 40,000-க்கும் கூடுதலான திரைப்பாடல்களைப் பாடியுள்ள அபார சாதனைக்குச் சொந்தக்காரர். எட்டு முறை தேசிய விருது பெற்றவர். இவரது குரலில் வரும் ஐயப்ப சுப்ரபாதம் ஐயப்ப பக்தர்களின் பக்தி இசை .

 ஜனவரி 10,1966 

தாஸ்கண்ட் உடன்படிக்கை இன்று தான் கையெழுத்தானது.

ஜனவரி 10,1972 

பங்களாதேஷ் என்ற ஒரு தனி நாடு உருவாகக் காரணமாக இருந்த ஷேக்  முஜிபுர் ரகுமான் இன்று முதன் முதலாக தன்னுடைய புதிய நாட்டுக்குள் அடியெடுத்து வைத்தார். 

 9 மாதங்களாக பாகிஸ்தான்  சிறையில் அடைக்கப்பட்டிருந்த அவர் இன்று நாடு திரும்பினார். இந்திய ஆதரவுடன் நடந்த போரில் வென்றபின் பாகிஸ்தானிலிருந்து பிரிந்து உருவானதுதான் பங்களாதேஷ்.

ஜனவரி 10, 2006 

இருநூற்றுக்கும் மேற்பட்ட திரைப்படங்களில் நடித்துள்ள பழம்பெரும் நாடக மற்றும்  திரைப்பட நடிகர் ஆர். எஸ். மனோகர் மறைந்த தினம். .