ஏப்ரல் 8

 ஏப்ரல் 8, 1857 

மாட்டுக் கொழுப்பு தடவிய குண்டுகளைப் பயன்படுத்த மறுத்ததற்காக இந்திய வீரர்கள் பிரிட்டிஷ் அதிகாரிகளால் அவமானப்படுத்தப்பட்டனர். 

இதைக் கண்டு பொறுக்காத மங்கள் பாண்டே என்னும் இந்திய வீரன், மூன்று பிரிட்டிஷ் அதிகாரிகளை துப்பாக்கியால் சுட்டுக். கொன்றுவிட்டான். 

கர்னல் வீலர் தலைமையில் சென்ற பிரிட்டிஷ் படை மிகுந்த போராட்டத்துக்குப் பிறகு பாண்டேயைக் கைதுசெய்தது. 

இருபத்தாறு வயதான மங்கள் பாண்டே இன்று பாரக்பூரில் ஒரு  மரக் கிளையில் தூக்கிலிடப்பட்டான். 

மங்கள் பாண்டே குறித்த மேலும் சில செய்திகள்:

1827ஆம் ஆண்டு ஜூலை 19ஆம் தேதி உத்தரப் பிரதேசத்தில் நாக்வா என்ற கிராமத்தில் பிறந்தார்.

1857ல் சிப்பாய் கலகம் ஆரம்பிக்க முக்கிய காரணமாக இருந்தவர். 

இவர் கிழக்கிந்தியக் கம்பெனியின் 34வது ரெஜிமென்டில் படை வீரராக பணிபுரிந்த மங்கள் பாண்டே, தான் சிப்பாய் கலகத்தைத் தொடங்கி வைத்தவர்.

இதில் கிழக்கிந்தியக் கம்பெனியின் அலுவலர்களுக்குகிடையே ஏற்பட்ட கலகம் காரணமாக மங்கள் பாண்டே கைது செய்யப்பட்டு 34வது படைபிரிவு கலைக்கப்பட்டது.

மங்கள் பாண்டேவின் வரலாற்றைச் சித்தரிக்கும் சில திரைப்படங்கள் வெளி வந்துள்ளன. 

Raising என்ற திரைப்படம் 2005ல் வெளிவந்தது. 

இந்திய அரசு மங்கள் பாண்டே நினைவாக 1984ஆம் ஆண்டு அஞ்சல் தலையை வெளியிட்டுள்ளது.

ஏப்ரல் 8, 1894 

வந்தே மாதரம் எழுதிய பங்கிம் சந்திரசட்டர்ஜி இன்று காலமானார். 

ஏப்ரல் 8, 1926 

சந்தச் சரபக் கவி உடுமலை முத்துச்சாமிக்  கவிராயர் இன்று காலமானார். 

ஏப்ரல் 8, 1964

புகழ்பெற்ற நாதஸ்வர வித்வான் காருக்குறிச்சி அருணாசலம் மறைந்த நாள். 

ஏப்ரல் 8, 1977 

எழுநூறு கோடி சதுர மைல் பரப்புள்ள சூரியப் புள்ளி இன்று கண்டுபிடிக்கப்பட்டது. 

ஏப்ரல் 8, 1989 

பிரபல திரைப்படப் பின்னணிப் பாடகர்களுள் ஒருவரான  ஏ. எம். ராஜா  மறைந்த நாள். 

1950 களில் இருந்து 1970கள் வரை தமிழ், தெலுங்கு, கன்னடம் மற்றும் மலையாள மொழிகளில் பல பாடல்களைப் பாடியுள்ளார். அவர் பல படங்களுக்கு இசையமைத்தும் உள்ளார். 

இவரது மனைவி பிரபல பாடகி ஜிக்கி. 

வாராயோ வெண்ணிலாவே வாராயோ வெண்ணிலவே கேளாயோ எங்கள் கதையே...

தென்றல் உறங்கிய போதும் திங்கள் உறங்கிய போதும்

கண்கள் உறங்கிடுமா? காதல் கண்கள் உறங்கிடுமா?...

ஆடாத மனமும் ஆடுதே

ஆனந்த கீதம் பாடுதே

வாடாத காதல் இன்பமெல்லாம்

வா வா நாம் காணலாம்....

கலையே என் வாழ்க்கையின் திசை மாற்றினாய்...

பிருந்தாவனமும் நந்தகுமாரனும் 

யாவருக்கும் பொது செல்வமன்றோ 

ஏனோ ராதா இந்த பொறாமை 

யார்தான் அழகால் மயங்காதவரோ ...

மாசிலா உண்மைக் காதலே…

மாறுமோ செல்வம் வந்த போதிலே…

காலையும் நீயே மாலையும் நீயே

காற்றும் நீயே கடலும் நீயே...

போன்ற இவர் பாடிய பல பாடல்கள் அமரத்துவம் வாய்ந்தவை. 

 ஏப்ரல் 8,  2013 

இங்கிலாந்தின்  முதல் மற்றும் ஒரே பெண் பிரதமர்  என்ற பெருமை கொண்ட மார்கரெட்  தாட்சர் மறைந்த நாள். 

ஏப்ரல் 8,  2015

தமிழ் எழுத்தாளர்களில்  குறிப்பிடத்தக்கவரான ஜெயகாந்தன் மறைந்த நாள்.  

இந்தியாவில் இலக்கியத்திற்காக வழங்கப்படும் உயரிய விருதான ஞானபீட விருதைப் பெற்ற இரண்டாவது தமிழ் எழுத்தாளர் இவர் . 

ஏப்ரல் 8,  2025

இலக்கியவாதியும் அரசியல்வாதியுமான  குமரி அனந்தன் மறைந்த நாள்.  நாடாளுமன்றத்தில் முதன்முதலில் தமிழில் பேசிய பெருமைக்குச் சொந்தக்காரர் இவர்.