சும்மா இருக்கும் சுகம்

 

சும்மா இருப்பது தான்  சுகம்.

 

சும்மா இருப்பது என்றால் வெட்டியாக இருப்பதல்ல.

 

ஞானம் அடைந்தவர்களுக்கு கர்மம் தேவை இல்லை என்கிறது கீதை. 

 

அதனால் தான் சும்மா இருக்கும் அந்த சுகம் என்று வரும் என்று ஏங்குகிறார் வள்ளலார்.

  

பாடல்:

 

இன்றுவரு மோநாளைக் கேவருமோ அல்லதுமற் 

றென்றுவரு மோஅறியேன் எங்கோவே-துன்றுமல 

வெம்மாயை யற்று வெளிக்குள் வெளிகடந்து 

சும்மா இருக்கும் சுகம். 

(திரு அருட்பா)

 

சீர் பிரித்த பின் :

 

இன்று வருமோ நாளைக்கே வருமோ அல்லது மற்று

என்று வருமோ அறியேன் என் கோவே - துன்று மல

வெம் மாயை அற்று வெளிக்குள் வெளி கடந்து 

சும்மா இருக்கும் சுகம் .

 

பொருள் :

 

இன்று வருமோ - இன்று வருமோ

 

நாளைக்கே வருமோ - நாளைக்கே வருமோ

 

அல்லது - அல்லது

 

மற்று என்று வருமோ அறியேன் - அது என்று வருமோ, நான் அறியேன்

 

என் கோவே - என் தலைவனே

 

 துன்று மல வெம் மாயை அற்று- காலம் காலமாக, தொன்று தொட்டு வரும் மாயை விலகி

 

வெளிக்குள் வெளி கடந்து – விட்டுவிடுதலையாகி

 

சும்மா இருக்கும் சுகம் - சும்மா இருக்கும் சுகம்

 

 எதற்கும் ஆசைப் படாமல், இருப்பது போதும் என்ற திருப்தியுடன், சும்மா இருக்க முடிந்தால்  தானே ‘சும்மா இருக்கும் சுகம்’ .

அந்த சுகம் நமக்கெல்லாம்  "சீச்சீ இந்தப் பழம் புளிக்கும்" கதை தான்.