4 டிசம்பர்

  4 டிசம்பர் 1922:

தென்னிந்தியாவின் பிரபல பின்னணிப் பாடகரும், இசையமைப் பாளருமான கண்டசாலா பிறந்த தினம்.

ஆஹா இன்ப நிலாவினிலே

ஓஹோ ஜகமே ஆடிடுதே

ஆடிடுதே விளையாடிடுதே

 என்ற பாடல் இன்றும் வசீகரிக்கும் பாடல். 

கண்டசாலாவும் லீலாவும் பாடிய பாடல் அது. 

ஆந்திர மாநிலம் மசூலிப்பட்டினம் அருகே உள்ள சவுதப்பள்ளி அவருடைய சொந்த ஊர். முழுப் பெயர் கண்டசாலா வெங்கடேஸ்வர ராவ். 

 திருப்பதி திருமலை தேவஸ்தானத்தின் முதல் ஆஸ்தான வித்வானாக கவுரவிக்கப்பட்ட பெருமைக்குரியவர் இவர்.

இறுதிவரை தனது இசையாலும், குரலாலும் லட்சக்கணக்கானவர்களை மகிழ்வித்துவந்த கண்டசாலா  1974  பிப்ரவரி 11  அன்று  52-வயதில்  மறைந்தார். 

 4 டிசம்பர் 1925 :

சிட்னியில் நடந்த கிரிக்கெட் போட்டியின் நேரடி வர்ணனை முதன் முதலாக வானொலி மூலம் ஒளிபரப்பப்பட்டது.

 4 டிசம்பர்1934:

இந்தியாவில் தினசரி விமான தபால் போக்குவரத்து  ஆரம்பமானது.

 4 டிசம்பர் 1948:

இந்திய ராணுவ தளபதியாக ஜெனரல் கரியப்பா பதவி ஏற்றார். இப் பதவியைப் பெற்ற முதல் இந்தியர் இவரே.

 4 டிசம்பர் 1976: 

தமிழ்ப் புதுக்கவிதையின் தந்தை என்று அழைக்கப்படுபவரான   ந. பிச்சமூர்த்தி  மறைந்த தினம். 

இவருடைய பெற்றோர்  நடேச தீட்சிதர் - காமாட்சியம்மாள்.  1900 ஆகஸ்ட்  15  இவர் பிறந்த நாள்.

4 டிசம்பர் 1976: 

உச்ச நீதிமன்ற நீதிபதியாக இருந்த வி. ஆர். கிருஷ்ணய்யர் மறைந்த நாள். 

இந்திரா காந்தி நெருக்கடி நிலையை அறிவிக்க இவர் வழங்கிய ஒரு முக்கியமான தீர்ப்பு தான் காரணம். 

அன்றைய பிரதமர் இந்திரா காந்தியின் ரேபரேலி தேர்தல் தொடர்பான வழக்கு, 1975-ல், உச்ச நீதிமன்றத்தில்  நீதிபதி வி. ஆர். கிருஷ்ணய்யர் முன் வந்தது. இந்திரா காந்தி பிரதமராகத் தொடரலாம் ஆனால், நாடாளுமன்றத்தில் அவர் வாக்களிக்க முடியாது என்று தீர்ப்பளித்தார். 

இந்தத் தீர்ப்பால் ஆறு மாதத்தில் மீண்டும் தேர்தலைச் சந்திக்க வேண்டிய கட்டாயம் இந்திராகாந்திக்கு உருவானது. இதன் தொடர்ச்சியாகத்தான், 1975 ஜூன் 24-ம் தேதி நெருக்கடி நிலையை அவர் அறிவித்தார். அதுதான்  இந்திய ஜனநாயகத்தின் இருண்ட காலம் என்று வரலாற்றில் இடம்பெற்ற நிகழ்ச்சி.