திருமண வயது அன்றும் இன்றும்

 

திருமண வயது அன்றும் இன்றும்

            சிலப்பதிகாரக் காலத்தில் (கி.பி. 2 ஆம் நூற்றாண்டு) தான் முதன்முதலாக ஆண், பெண்ணிற்கான திருமண வயது குறிப்பிடப்படுகிறது.  கோவலன் கண்ணகி திருமணத்தின்போது கோவலனுக்கு வயது 16 என்றும் கண்ணகிக்கு 12 என்றும் இளங்கோவடிகள் கூறுகிறார்.

கண்ணகி :  மாக வான் நிகர் வண்கை, மாநாய்க்கன் குலக்கொம்பர்

                         ஈகைவான் கொடி அன்னாள் ஈராறாண்டு அகவையாள்.

கோவலன் :   இருநிதிக் கிழவன் மகன் ஈரெட்டாண்டு அகவையான்

            சேக்கிழார் எழுதிய பெரியபுராணத்தில் திருநாவுக்கரசரின் தமக்கையாரான திலகவதியாருக்கு 12 வயதானதும் திருமண ஏற்பாடு செய்தனர் என்ற குறிப்பு வருகிறது.

            காலப்போக்கில் இடைப்பட்ட காலத்தில் குழந்தைகளுக்குக் கூட திருமணம் செய்து வைக்கும் போக்கு நிலவியது. 

            1891-ஆம் ஆண்டு குழந்தைத் திருமணம் தவறு எனக் கருதப்பட்டு, குழந்தை திருமணத்தைத் தடுக்கச் சட்டம் இயற்றப்பட்டது.  பெண்ணுக்கு வயது 12 ஆன பின்பே திருமணம் என்பது சட்டமாக்கப்பட்டது. 

1925ல் பெண்ணின் திருமண வயது 13 என உயர்த்தப்பட்டது.

1929-ல் சாரதா சட்டம் மூலம் பெண்ணின் திருமண வயது 14 என நிர்ணயிக்கப்பட்டது. 

1949-ஆம் ஆண்டு இச்சட்டம் திருத்தப்பட்டு பெண்ணின் திருமண வயது 15 ஆக உயர்த்தப்பட்டது.

1956-ல் பெண்ணின் திருமண வயது 16 என்றும் ஆணின் திருமண வயது 19 என்றும் மாற்றப்பட்டது. 

            இன்றைய சட்டப்படி பெண் 18 வயதையும் ஆண் 21 வயதையும் பூர்த்தி செய்த பின்பே திருமணம் நடத்த முடியும்.