காதலாகிக் கசிந்து

 காதலாகிக் கசிந்து கண்ணீர் மல்கி

ஓதுவார் தமை நன்நெறிக்கு உய்ப்பது

வேதம் நான்கினும் மெய்ப்பொருளாவது

நாதன் நாமம் நமச்சிவாயவே.

( திருஞானசம்பந்தர் )

 உள்ளம் அன்பால் உருக வேண்டும்.

இறை உணர்வில் கண்ணீர் பெருகவேண்டும்.

அப்படி தன்னையே நினைத்து 

ஓதுபவர்களுக்கு நல்வழி தருவது அந்த நாமம்.

அது நான்கு வேதங்களின் உண்மைப் பொருளாக விளங்கும் சிவபெருமானின் திருநாமமான “நமச்சிவாய” .

பன்னிரு திருமுறைகளில் முதல் மூன்று திருஞானசம்பந்தர் பாடியவை. 

16 ஆண்டுகள் மட்டுமே வாழ்ந்தவர்.

 தன்னைத் தமிழ்ஞானசம்பந்தன் என்றே அடையாளப்படுத்திக் கொண்டவர்.

 7 ஆம் நூற்றாண்டு அவர் வாழ்ந்த காலம்.