தமிழ் மூன்றும் தா

 

பாலும் தெளிதேனும் பாகும் பருப்பும்
இவை நான்கும் கலந்துனக்கு நான் தருவேன்
கோலம் செய்துங்க  கரிமுகத்து தூமணியே
நீ எனக்கு சங்கத் தமிழ் மூன்றும் தா!

                                               - ஔவையார் 

பாலும் – பாலும்

தெளிதேனும்- தெளிந்த தேனையும்

பாகும்- சர்க்கரை கலந்த பாகையும்

பருப்பும்- வேகவைத்த கடலை பருப்பையும்

இவை நான்கும் கலந்துனக்கு- இவை நான்கும் கலந்துனக்கு

நான் தருவேன்- நான்  நைவேத்தியமாக படைக்கிறேன்

கோலம் செய்- அழகு மிகுந்த

துங்க- துதிக்கை அமைந்த

கரிமுகத்து- யானை முகம் படைத்த

தூமணியே- தூய்மையான மணியே

நீ எனக்கு- நீ எனக்கு

சங்கத் தமிழ் மூன்றும் தா – இயல், இசை, நாடகம் என்னும் மூன்று தமிழையும் அருள்வாயாக !

 

பாலையும், தெளிந்த தேனையும், சர்க்கரை கலந்த பாகையும், வேகவைத்த கடலை பருப்பையும் கலந்து உனக்கு நான்  நைவேத்தியமாக படைக்கிறேன்.
அழகு மிகுந்த  துதிக்கை அமைந்த யானை முகம் படைத்த தூய்மையான மணியே ! நீ எனக்கு இயல், இசை, நாடகம் என்னும் மூன்று தமிழையும் அருள்வாயாக !