ந, ண, னகரப் பயன்பாடு
ந,ண,ன மூன்றும் வரும் ஒரு சொல் நண்ணினான்
நகரம் (ந)
-மொழிக்கு முதலில் எல்லா எழுத்துகளிலும் வரும்.
நன்று, நாடு, நில், நீர், நுரை, நூறு, நெல், நேற்று, நைந்து, நோய்
-நகரமெய் எப்போதும் தந்நகரத்திற்கு முன்னே வரும்.
அதனால் ந-வை தந்தகரம் என்பர்.
அந்தம், தந்தி, சந்தை
-புணர்மொழிகளில் மட்டும் ‘ந‘ இரட்டும்
எந்நாடு. எந்நூல், முந்நூறு
-அனுப்புநர், பெறுநர், ஓட்டுநர்..... போன்ற சொற்களில் நகரம் இடையில் வரும்.
-ஈற்றில் நகரம்வந்த சொற்கள் முன்பு இருந்தன. இன்று வழக்கிலில்லை.
பொருந். வெரிந்
ணகரம் (ண)
-மொழிக்கு முதலில் வராது
-மொழிக்கு இடையில் வரலாம்.
பணம், அணில், பூணூல், அண்மை
-ணகரம் இரட்டிக்கும்
எண்ணம், அண்ணன், கண்ணா
-ணகரம் இறுதியில் வரலாம்
விண், காண், கண்ணே
-ணகரமெய் எப்போதும் ‘ட‘ கரத்திற்கு முன்னே வரும். எனவே இதை டண்ணகரம் என்பர்.
தண்டனை, வண்டல், கண்டான்
னகரம் (ன)
-மொழிக்கு முதலில் வராது.
-மொழிக்கு இடையில் வரலாம்.
இன்மை, இனியது, பனைமடல்
-னகரம் இரட்டிக்கும்
தின்ன, பின்னம், அன்னை
-னகரம் இறுதியில் வரும்
நண்பன், வருவான், தன்
-னகர மெய் எப்போதும் றகரத்திற்கு முன் வரும். எனவே இதை றன்னகரம் என்பர்.
ந, ன வேறுபாடு :
அந்நாள் -அந்த நாள்
அன்னாள் -அத்தகையவள்
எந்நாள் -எந்த நாள்
என்னாள் -எனது நாள்
எந்நாடு -எந்த நாடு, எமது நாடு
என்னாடு -எனது நாடு, எனது ஆடு
முந்நூறு -300
முன்னூறு -முன்பு கொடுத்த நூறு
தந்நலம் -தமது நலம்
தன்னலம் -தன் நலம்
எந்நிலை -எந்த நிலை, எமது நிலை
என்னிலை -எனது நிலை
நகர , ணகர வேறுபாடு :
அந்நல் -அந்த நல்ல
அண்ணல் -தலைத்தன்மை வாய்ந்த
எந்நூறு -எந்த நூறு
எண்ணூறு -800
வெந்நீர் -சுடுநீர்
வெண்ணீறு -திருநீறு
ணகர, னகர வேறுபாடு :
அணைத்து -தழுவி
அனைத்து -அவ்வளவும்
அரண் -கோட்டை
அரன் -சிவபெருமான்
ஆணை -கட்டளை
ஆனை -யானை
இவண் -இப்படிக்கு, இவ்விடம்
இவன் -சுட்டுப் பெயர்
ஆணி -இரும்பு
ஆனி -மாதம்
அண்ணம் -மேல்வாய்
அன்னம் -பறவை
உணக்கு -காயவிடு
உனக்கு -உன் பயன்பாட்டுக்கு (For you)
உண்ணல் -சாப்பிடல்
உன்னல் -நினைத்தல்
ஊண் -உணவு
ஊன் -புலால்
கணி -கணக்கிடு
கனி -பழம்
உண் -சாப்பிடு
உன் -உனது
உண்மை -மெய்
உன்மை -உனது மை
எண்ண -நினைக்க
என்ன -கேள்வி
எவண் -எவ்விடம்
எவன் -எந்த ஒருவன்
கண்ணி -முடிப்பு, பூ, பா
கன்னி -மணமாகாத பெண்
காணம் -கொள்ளுப் பயறு
கானம் -காடு
காண் -பார்
கான் -காடு
காணல் -காணுதல்
கானல் -கானல் நீர்
தணிகை -மலை
தனிகை -இளம்பெண்
தணி -அடக்கு
தனி -தனித்திரு
தண்மை -குளிர்ச்சி
தன்மை -இயல்பு
திணை -பிரிவு, ஒழுக்கம்
தினை -தானிய வகை
திண்மை -உறுதி
தின்மை -தீமை
துணி -தீர்மானி
துனி -ஊடலில் ஒருவகை
துணுக்கு -சிறுசெய்தி
துனுக்கு -நடுங்குதல்
நணி -சமீபம்
நனி -மிகுதி
நாணம் -வெட்கம்
நானம் -வாசனை
நாண் -கயிறு
நான் -தன்மை ஒருமை
பணி -தொண்டு, கட்டளை
பனி -பனிக்காலம்
பணை -பருமன்
பனை -ஒருவகை மரம்
பண் -பாட்டு
பன் -பல
பண்ணுதல் -செய்தல்
பன்னுதல் -சொல்லுதல்
பரண் -பரணி
பரன் -பரம்பொருள்
பாணம் -அம்பு
பானம் -குடிநீர்
புணை -தெப்பம்
புனை -செய்
புண் -காயம்
புன் -புல்லிய, சிறிய
பேண் -காப்பாற்று, ஆதரி
பேன் -தலைப்பேன்
மணம் -வாசம்
மனம் -உள்ளம்
மணை -உட்காரும் பலகை
மனை -வீட்டிடம்
மண் -பூமி
மன் -நிலைபெற்ற , மிகுதி
மண்ணுதல் -கழுவுதல்
மன்னுதல் -பொருந்துதல்
மாண் -நிறை, மாண்பு
மான் -ஒருவகை விலங்கு
முரண் -வேறுபாடு
முரன் -வலிமை
வாணம் -வெடி
வானம் -ஆகாயம்
வண்மை -வள்ளல் தன்மை
வன்மை -வலிமை
ழ, ள, ல பயன்பாடு
ழ – சிறப்பு ழகரம்
ள – பொது ளகரம்
சிறப்பு ழகரம் இரட்டாது.
பொது ளகரம் பெருமையும் இரட்டும்.
லகரம் சாதாரணமாக அருகி இரட்டும்.
-உள்ளம், எள்ளி, கொள்ளை
-மெல்லிய, நல்லவன்
தனிக்குறிலையடுத்த மெய்யில் ழகரம் வராது, ஆனால் ளகரம், லகரம் வரும்.
எள், கள், கொல் , பல்
பெண்பால் விகுதி - அள், ஆள்
தொழிற் பெயர் விகுதி - தல், அல், கல்
தனி நெடிலையடுத்த சொற்களில் ழகரம் வரும்.
ஆழ், ஆழி, காழ், வாழி
மூன்றன் உருபு -நிபந்தனைச் சொல் - லகரம் வரும்.
கண்ணால் காண், வாயால் பேசு
வந்தால் தருவேன் , பெய்தால் விளையும்
ழ் -அடுத்து பிற மெய் வரலாம்
ள், ல் -அடுத்து பிற மெய் வராது
ழ, ள, ல வேறுபாடு
அலகு -பறவையின் மூக்கு
அளகு -பெட்டைக் கோழி
அழகு -வனப்பு
அலை -நீரின் அசைவு
அளை -துளாவு
அழை -கூப்பிடு
அலி -பால் பிரிவற்றது
அளி -கொடு
அழி -சிதை, கெடு
ஆல் -ஆலமரம்
ஆள் -ஆட்சி செய், மனிதன்
ஆழ் -ஆழ்ந்து போ
இலை -தாவர உறுப்பு
இளை -மெலிந்து போ
இழை -நூல், நகை, இயற்று
உலை -சோற்று உலை
உளை -பிடரிமயிர், சேறு
உழை -வேலை செய்
ஒலி -சத்தம்
ஒளி -வெளிச்சம்
ஒழி -நாசமாக்கு, மறை
உலவு -மெதுவாய் நட
உளவு -உள்ளறிதல்
உழவு -உழவுத் தொழில்
கலி -ஒலி வகை கலித்தல்
களி -இன்புறு, உணவு, மண்
கழி -கம்பு, நீக்கு
காலம் -நேரம்
காளம் -நஞ்சு
காழம் -தூண், மர வைரம்
காலி -வெற்றிடம்
காளி -கொற்றவை
காழி -சீர்காழி
கால் -காற்று, உடல் உறுப்பு
காள் -கழுதையொலி
காழி -(மர) வைரம்
கிலி -அச்சம்
கிளி -பறவை
கிழி -துணியைக் கிழி
குலவி -கூடி மகிழ்ந்து
குளவி -தெனீ
குழவி -குழந்தை, அம்மிக் குழவி
குலை -காய்குலை, ஈரற்குலை
குளை -இலைத்திரள்
குழை -நகை, மகரக்குழை
கூலம் -தானியம்
கூளம் -குப்பை கூளம்
கூழம் -எள்
கூளி -பேய், அலகை
கூழி -குள்ளப்பசு
கோலி -குண்டு, பண்டிகை
கோளி -ஆல், அத்திமரம்
கோழி -வீட்டுப்பறவை
கீல் -ஒரு வகைப் பசை
கீள் -உடைதல்
கீழ் -அடியில்
கொலு -பொம்மைக் கொலு
கொளு -பாட்டின் உறுப்பு
கொழு -கலப்பையின் உறுப்பு
சூல் -கரு
சூள் -ஆணை, சூளுரை
சூழ் -கருது, ஆராய், சூழ்ந்துகொள்
தலை - சிரசு
தளை -விலங்கு (கட்டிப்போடு)
தழை -இலை தழை
தாலம் -பனை
தாளம் -இசையின் கால அளவு
தாழம் -தாழம் பூ
தாலி -பொற்றாலி
தாளி -பனை, கொடி
தாழி -பெரிய பானை
தால் -நாக்கு
தாள் -அடி, முயற்சி
தாழ் -கதவடை
நால் -நான்கு
நாள் -தினம்
நாழ் -கருவம், குற்றம்
நாலி -முத்து
நாளி -நாய்
நாழி -மூங்கில், அளவு கருவி
பாலை -பாலை நிலம்
பாளை -தென்னம்பாளை
பாழை -ஏழைபாழை (ஏதுமில்லாதவன்)
பால் -குடிப்பது, வடிவது
பாள் -கம்பி
பாழ் -வீண்
பொலி -பெருகு
பொளி -கொத்து
பொழி -ஊற்று, சொரி
மலை -பொருப்பு
மளை -
மழை -வான்மழை
முலை -முலைப்பால்
முளை -பயிர் முளைப்பது
முழை -குகை
மூலை -கோணம்
மூளை -தலையில் உள்ள மூளை
மூழை -அகப்பை
வலி -வலிமை, நோய்
வளி -காற்று
வழி -பாதை
வலை -மீன்வலை
வளை -தடி, வளைப்பது
வழை -சுரபுன்னை
வாலி -இராமாயண வாலி
வாளி -அம்பு, காற்று, bucket
வாழி -வாழ்க
வாலை -கன்னி, (வாலிபன்)
வாளை -மீன்
வாழை -வாழை மரம்
வால் -ஓர் உறுப்பு, தூய்மை
வாள் -ஆயதம், கருவி
வாழ் -வாழ்தல்
விலா -எலும்பு
விளா -ஒரு வகை மரம்
விழா -திருநாள்
விலை -கிரயம்
விளை -உண்டு விளைவித்தல்
விழை -விரும்பு
வேலம் -கருவேல மரம்
வேளம் -சிறைக்களம்
வேழம் -யானை
வேலை -பணி
வேளை -பொழுது
வேழை -கரும்பின் வகை
லகர, ளகர வேறுபாடு
அவல் -பள்ளம், உணவு
அவள் -பெண் சுட்டுப்பெயர்
அலறு -அழு
அளறு -சேறு
அல் -இரவு
அள் -பெண்பால் ஒருமை விகுதி
அல்ல -எதிர்மறை பன்மை வினைமுற்று
அள்ள -எடுக்க
அல்லி -மலர்
அள்ளி -எடுத்து
அல்லல் -துன்பம்
அள்ளல் -சேறு
அகலம் -அகன்ற, நீள அகலம்
அகளம் -யாழின் ஓர் உறுப்பு
அஞ்சுவல் -தன்மை ஒருமை வினைமுற்று
அஞ்சுவள் -பயப்படுகிறாள்
அடுகலம் -சோற்றுப்பானை
அடுகளம் -போர்க்களம்
இலகு -இலேசான
இளகு -இளகிய, மனம் இளகிய
எல் -சூரியன்
எள் -எண்ணெய் வித்து
எல்லி -சூரியன்
எள்ளி -நகையாடி
எல்லை -எல்லைக்கோடு
எள்ளை -எள் + ஐ (இரண்டன் உருபு)
கல் -கல்மண்
கள் -மது, பன்மை விகுதி
காலை -அதிகாலை
காளை -எருது
குலம் -இனப்பிரிவு
குளம் -நீர்நிலை
கொல்லி -நெருப்பு, கொல்லிமலை
கொள்ளி -கொள்ளிக் கட்டை
கொல்லை -புன் செய் நிலம்
கொள்ளை -கொள்ளையடி
தவலை -வாயகன்ற பாத்திரம்
தவளை -இருவாழ்வி
துலை -நிறை, தராசு
துளை -துவாரம்
தொல்லை -துன்பம்
தொள்ளை -ஓட்டை
தொலை -தூரம், தொலைத்தல்
தொளை -துவாரம்
தோல் -உடம்பின் தோல்
தோள் -உடல் உறுப்பு
தொலி -தோலின் சிறுபகுதி
தொளி -சேறு
நலி -நோய்
நளி -செறிவு
நீலம் -ஒரு நிறம்
நீளம் -நீட்சி
பல்லி -உயிரினம்
பள்ளி -பாடசாலை
பாலம் -இணைப்பு
பாளம் -வெடிப்பு
புல் -புல், பூண்டு
புள் -பறவை
புல்லி -தழுவி
புள்ளி -கோலப்புள்ளி
புலி -வனவிலங்கு
புளி -ஒரு சுவை, புளியமரம்
மல்கு -பெருகு
மள்கு -குறை
மால் -மயக்கம்
மாள் -இறந்து போ
முல்லை -பூ
முள்ளை -முள் + ஐ (இரண்டன் உருபு)
வலம் -வெற்றி,வலப்பக்கம்
வளம் -செழுமை
வலவன் -தேரோட்டி
வளவன் -சோழன்
வல்லி -வெற்றி
வள்ளி -கிழங்கு, முருகன் மனைவி
விலங்கு -மிருகம்
விளங்கு -தோன்று
வெல்லம் -கரும்பு, பனை வெல்லம்
வெள்ளம் -நீர்ப்பெருக்கு
வேல் -கருவி, ஆயதம்
வேள் -அரசன், தலைவன்
லகர, ழகர வேறுபாடு
அகல் -நீங்கு
அகழ் -தோண்டு
இகல் -பகை
இகழ் -பழி
இமில் -திமில்
இமிழ் -ஒலி
இலவு -இலவம்பஞ்சு
இழவு -இழப்பு
கலைமகள் -வாணி
கழைமகள் -கூத்தாடும் பெண்
சீல் -நெறி
சீழ் -புண் நீர்
புகல் -சொல்
புகழ் -பாராட்டு
முகில் -மேகம்
முகிழ் -தோன்று
வலித்தல் -இழுத்தல்
வழித்தல் -துடைத்தல்
மாலை -மலர் மாலை
மாழை -இளமை, அழகு
வலு -திறன்
வழு -குற்றம்
ளகர, ழகர வேறுபாடு
அளம் -உப்பளம்
அழம் -பிணம்
அளிதல் -புண்படுதல்
அழிதல் -ஒழிதல்
அளறு -சேறு
அழறு -அழுகை
அளித்து -கொடுத்து
அழித்து -சிதைத்து
ஆளாக்கு -ஆளை உருவாக்கு
ஆழாக்கு -முகத்தலளவை
ஆள்வார் -ஆட்சி செய்பவர்
ஆழ்வார் -திருமால் அடியார்
இள -மென்மையாகி
இழ -இழந்துவிடு
இளி -பல் இளி
இழி -இறங்கு
உளி -மரவேலைக் கருவி
உழி -பக்கம், ஏழன் உருபு
உளு -உளுத்துப் போதல்
உழு -ஏர் உழு
ஊளை -நரி ஊளையிடும்
ஊழை -விதி (தலைவிதி)
ஒளிதல் -மறைதல்
ஒழிதல் -அழிதல்
ஒளிப்பு -ஒளிவிடல்
ஒழிப்பு -அழிப்பு
களகம் - நெற்கதிர்
கழகம் -பயிலுமிடம்
களிப்பு -மகிழ்ச்சி
கழிப்பு -குறைப்பு
காளகம் -கருமை
காழகம் -ஆடை, கடாரம்
கிளவி -சொல்
கிழவி -முதியவள்
கீள் -தோண்டு, கோவணம்
கீழ் -கீழே
குளகு -தழை, தழையுணவு
குழகு -குழந்தை, அழகு
குளம்பு -குதிரையின் குளம்பு
குழம்பு -சோறு குழம்பு
குளித்தல் -நீராடுதல்
குழித்தல் -குழியாக்குதல்
குளு -குளமை
குழு -கூட்டம்
கூளன் -பயனற்றவன்
கூழன் -தெளிவற்றவன்
கேளல் -கேளாதே
கேழல் -பன்றி
கேள் -சுற்றம்
கேழ் -நிறம்
சுளி -முகங்கோணு
சுழி -வட்டமிடு, நீர்ச்சுழி
சளி -தடுமம்
சழி -சமமாக்கு
சூள்வழி -சுற்றியுள்ள வழி
சூழ்வளி -சுழற்காற்று
சோளம் -தானியம்
சோழம் -நாடு
தளுக்குதல் -மினுக்குதல்
தழுக்குதல் -செழிப்புறுதல்
தெளி -சிதறு, தெளிவாக்கு
தெழி -அதட்டு, வருத்து
நாளம் -நரம்பு, தண்டு
நாழம் -வசை
நாள் -புதிது, தினம்
நாழ் -குற்றம்
பொளி -உரி, கொத்து
பொழி -சொரி, ஊற்று
விளைவு -நெல் விளைவு
விழைவு -விருப்பம்
Comments
Post a Comment
Your feedback